آئی جی ایف سی نارتھ میجر جنرل محمد عاطف مجتبیٰ کی کارکردگی قابلِ تحسین ہے، ملک عبدالخالق اچکزئی

کوئٹہ( پ ر )
سابق مشیر اعلیٰ بلوچستان و معروف قبائلی شخصیت ملک عبدالخالق اچکزئی نے کہا ہے کہ آئی جی ایف سی نارتھ میجر جنرل محمد عاطف مجتبیٰ کی کمان کی سربراہی میں بلوچستان کے مختلف علاقوں میں امن و امان کے قیام، عوام کے تحفظ اور علاقے کی بہتری کے لیے کی جانے والی کاوشیں قابلِ تحسین ہیں ان کی مؤثر حکمتِ عملی اور عوامی رابطوں کے باعث سیکیورٹی کے ساتھ ساتھ عوام میں اعتماد کا احساس بھی مزید مضبوط ہوا ہے انہوں نے کہا کہ آئی جی ایف سی نارتھ کی جانب سے امن و امان کے ساتھ عوامی فلاح و بہبود، تعلیم، صحت، صاف پانی اور نوجوانوں کی حوصلہ افزائی جیسے اقدامات پر توجہ ایک مثبت پیش رفت ہے علاقے کے نوجوان باصلاحیت ہیں اور انہیں بہتر تعلیمی ماحول رہنمائی اور مواقع فراہم کرنے سے وہ ملک و قوم کی ترقی میں اہم کردار ادا کر سکتے ہیں ملک عبدالخالق اچکزئی نے کہا کہ امن و استحکام علاقے کی ترقی کی بنیادی ضرورت ہے اور اس مقصد کے لیے سیکیورٹی اداروں اور عوام کے درمیان باہمی تعاون نہایت اہم ہے انہوں نے کہا کہ آئی جی ایف سی نارتھ میجر جنرل محمد عاطف مجتبیٰ کی خدمات اور کاوشوں کو قدر کی نگاہ سے دیکھا جاتا ہے، جبکہ فرض شناس افسران کی حوصلہ افزائی سے عوامی خدمت اور امن کے لیے مزید جذبہ پیدا ہوتا ہے۔۔