کوہاٹ؛ پولیس چوکی پر فتنۃ الخوارج کا حملہ، 7 اہلکار زخمی

کوہاٹ: شادی پور پولیس چوکی پر فتنۃ الخوارج کی جانب سے حملے کی کوشش ناکام بنا دی گئی، پولیس کی بھرپور جوابی کارروائی کے نتیجے میں دہشتگردوں کو بھاری نقصان اٹھانا پڑا۔

ڈی پی او کوہاٹ رائے مظہر اقبال کے مطابق فائرنگ کے تبادلے میں 7 پولیس اہلکار زخمی ہوگئے، جنہیں فوری طور پر اسپتال منتقل کیا گیا۔ اسپتال انتظامیہ کے مطابق زخمی اہلکاروں کی حالت خطرے سے باہر ہے۔

ڈی پی او کے مطابق پولیس کی جوابی کارروائی کے بعد علاقے میں سرچ اینڈ اسٹرائیک آپریشن جاری ہے اور دہشتگردوں کا تعاقب کیا جا رہا ہے۔

پولیس نے علاقے میں سیکیورٹی مزید سخت کردی ہے، جبکہ امن و امان برقرار رکھنے اور دہشتگرد عناصر کے خلاف کارروائیاں جاری رکھنے کے عزم کا اظہار کیا ہے۔