سنگجانی جلسہ کیس؛ زرتاج گل اور عمر ایوب کے نام ای سی ایل میں ڈالنے کی ہدایت

اسلام آباد: انسداد دہشت گردی عدالت اسلام آباد نے سنگجانی جلسہ کیس میں پی ٹی آئی رہنماؤں زرتاج گل اور عمر ایوب کے نام ایگزٹ کنٹرول لسٹ (ای سی ایل) میں شامل کرنے کی ہدایت کردی۔

اے ٹی سی جج طاہر عباس سپرا نے سنگجانی جلسہ کیس کی سماعت کی، جس دوران عدالت نے شیخ وقاص اکرم اور زین قریشی کے خلاف اشتہاری قرار دینے کی کارروائی بھی شروع کردی۔

عدالت نے زرتاج گل اور عمر ایوب کی جائیدادوں کی تفصیلات بھی طلب کرلیں۔

سماعت کے دوران شعیب شاہین، علی بخاری اور علی شاہ کی حاضری سے استثنا کی درخواستیں منظور کرلی گئیں۔

عدالت نے کیس کی مزید سماعت 31 اکتوبر تک ملتوی کردی۔ پی ٹی آئی رہنماؤں کے خلاف مقدمہ تھانہ سنگجانی میں درج ہے۔