اسسٹنٹ کمشنر مسلم باغ کا گورنمنٹ پولی ٹیکنک انسٹیٹیوٹ کا دورہ

مسلم باغ: اسسٹنٹ کمشنر مسلم باغ ماجد سلیم نے گورنمنٹ پولی ٹیکنک انسٹیٹیوٹ مسلم باغ کا دورہ کیا اور انسٹیٹیوٹ کے مختلف شعبوں کا معائنہ کرتے ہوئے تدریسی و انتظامی امور کا جائزہ لیا۔

دورے کے دوران انہوں نے ادارے کی انتظامیہ اور اساتذہ سے ملاقات کی اور تعلیمی ماحول، دستیاب سہولیات اور درپیش مسائل کے بارے میں معلومات حاصل کیں۔

اسسٹنٹ کمشنر نے طلبہ کو معیاری تعلیم اور بہتر سہولیات کی فراہمی، صفائی اور نظم و ضبط کو یقینی بنانے کی ہدایت کی۔

انہوں نے کہا کہ تعلیم کا فروغ ضلعی انتظامیہ کی ترجیحات میں شامل ہے اور طلبہ کو بہتر تعلیمی ماحول کی فراہمی کے لیے ہر ممکن تعاون کیا جائے گا۔