نیشنل بینک گنداواہ کی بحالی کیلئے اقدامات جاری ہیں، منیجر محمد حیات مینگل

گنداواہ (رپورٹ شیر احمد ساسولی نمائندہ صحافت)نیشنل بینک گنداواہ کے منیجر سے صحافیوں کی ملاقات
گنداواہ: نیشنل بینک گنداواہ کے منیجر محمد حیات مینگل سے صحافیوں کے وفد نے نیشنل بینک گنداواہ آفس میں ملاقات کی۔ اس موقع پر معزز شخصیت استاد علی حسن سیال بھی موجود تھے۔ ملاقات کے دوران گنداواہ کے عوام، ملازمین، پنشنرز اور کاروباری طبقے کو درپیش مسائل سمیت بینک کی بحالی کے متعلق مختلف امور پر تفصیلی گفتگو کی گئی۔
اس موقع پر نیشنل بینک گنداواہ کے منیجر محمد حیات مینگل نے کہا کہ نیشنل بینک گنداواہ کی بحالی سمیت اس آنے والی ماہ پر تمام ملازمین کو بہت جلد تنخواہیں ادا کر دی جائیں گی، جبکہ صارفین کو بینکاری سہولیات کی فراہمی اور انہیں درپیش مشکلات کے ازالے کے لیے ہر ممکن اقدامات کیے جا رہے ہیں۔انہوں نے کہا کہ بینک انتظامیہ کی کوشش ہے کہ ملازمین، پنشنرز، کاروباری افراد اور عام شہریوں کو بروقت اور بہتر سہولیات فراہم کی جائیں۔ انہوں نے صحافیوں کو یقین دہانی کرائی کہ عوامی مسائل کو ترجیحی بنیادوں پر حل کرنے کے لیے متعلقہ حکام تک بھی مسائل پہنچائے جائیں گے۔