سکھر پولیس کا منشیات فروشوں کے خلاف کریک ڈاؤن، 3 ملزمان گرفتار، 3470 گرام چرس برآمد

سکھر (رپورٹ: اسلم سومرو) سکھر پولیس نے منشیات کے ناسور کے خلاف کارروائیاں تیز کرتے ہوئے مختلف تھانوں کی حدود میں کارروائیاں کرکے 3 مبینہ منشیات فروشوں کو گرفتار کرلیا، جن کے قبضے سے مجموعی طور پر 3470 گرام چرس برآمد کرنے کا دعویٰ کیا گیا ہے سکھر پولیس ترجمان کے مطابق ایس ایس پی سکھر احمد چوہدری PSP, QPM کی ہدایات پر جرائم پیشہ عناصر اور سماجی برائیوں میں ملوث افراد کے خلاف کریک ڈاؤن جاری ہے۔ پولیس نے بی سیکشن، کینٹ اور سانگی تھانوں کی حدود میں کارروائیاں کیں بی سیکشن پولیس نے اسنیپ چیکنگ کے دوران کارروائی کرتے ہوئے عبدالوهاب عرف شبوں بندھانی کو گرفتار کرکے اس کے قبضے سے 1020 گرام چرس برآمد کرنے کا دعویٰ کیا۔ پولیس کے مطابق ملزم کے خلاف منشیات ایکٹ کے تحت مقدمہ درج کرلیا گیا ہے اسی طرح کینٹ پولیس نے دورانِ گشت کارروائی کرتے ہوئے مبینہ منشیات سپلائر محمد یحییٰ مہر کو گرفتار کیا، جس کے قبضے سے 1200 گرام چرس برآمد کی گئی۔ پولیس کے مطابق ملزم کے خلاف قانونی کارروائی عمل میں لائی گئی ہے۔
دوسری جانب سانگی پولیس نے کارروائی کرتے ہوئے ذاکر علی کو گرفتار کرکے اس کے قبضے سے 1250 گرام چرس برآمد کرنے کا دعویٰ کیا ہے، جبکہ ملزم کے خلاف مقدمہ درج کرلیا گیا ہے سکھر پولیس ترجمان کے مطابق منشیات سمیت دیگر جرائم کے خلاف کارروائیاں جاری رہیں گی۔