پیپلز پارٹی کے سینئر رہنما سردار مقبول احمد شیخ کی حاجی محمد صالح شیخ سے تعزیت

صحبت پور (بیوروچیف شاہد گولہ)
پاکستان پیپلز پارٹی کے سینئر رہنما اور سابق صوبائی وزیر سردار مقبول احمد شیخ نے وفد کے ہمراہ رستم چوک پر واقع شیخ ہاؤس پہنچ کر شیخ قبیلے کی معزز سیاسی، سماجی اور قبائلی شخصیت حاجی محمد صالح شیخ کے فرزند کے انتقال پر گہرے دکھ اور افسوس کا اظہار کرتے ہوئے سوگوار خاندان سے دلی تعزیت اور ہمدردی کا اظہار کیا۔
اس موقع پر مقبول احمد شیخ نے مرحوم کے ایصالِ ثواب کے لیے فاتحہ خوانی اور مغفرت کی دعا کی، جبکہ لواحقین سے اظہارِ ہمدردی کرتے ہوئے کہا کہ اولاد کا بچھڑ جانا ایک ناقابلِ تلافی صدمہ ہے۔ اللہ تعالیٰ مرحوم کو جوارِ رحمت میں جگہ اور پسماندگان کو صبرِ جمیل عطا فرمائے۔
اس موقع پر چیئرمین ضلع زکوٰۃ کونسل شکارپور رئیس عمران خان ناپر، ڈاکٹر خالد شیخ، ڈاکٹر محمد فیضان دایو سمیت دیگر معززین اور سیاسی و سماجی شخصیات بھی موجود تھیں۔