انٹرا پارٹی انتخابات نہ کرانے پر الیکشن کمیشن نے 2 جماعتیں ڈی لسٹ کردیں

انٹرا پارٹی انتخابات نہ کرانے پر الیکشن کمیشن نے 2 جماعتیں ڈی لسٹ کردیں

اسلام آباد: الیکشن کمیشن آف پاکستان نے انٹرا پارٹی انتخابات اور دیگر قانونی تقاضے پورے نہ کرنے پر مزید دو سیاسی جماعتوں تحریک اتحاد اور فریڈم موومنٹ کو ڈی لسٹ کردیا۔

الیکشن کمیشن کے مطابق دونوں جماعتیں سیاسی جماعتوں کے لیے مقررہ قواعد و ضوابط پر عمل درآمد کرنے میں ناکام رہیں۔ ان میں انٹرا پارٹی انتخابات سمیت دیگر ضروری قانونی تقاضوں کی تکمیل بھی شامل تھی۔

الیکشن کمیشن نے واضح کیا کہ سیاسی جماعتوں کے لیے مقررہ قوانین کے تحت انٹرا پارٹی انتخابات کرانا اور دیگر قانونی تقاضے پورے کرنا ضروری ہے۔ قواعد کی خلاف ورزی پر تحریک اتحاد اور فریڈم موومنٹ کے خلاف کارروائی کی گئی۔

الیکشن کمیشن کے فیصلے کے بعد دونوں جماعتوں کو سیاسی جماعتوں کی فہرست سے خارج کردیا گیا ہے۔