سونا سستا ہوگیا، عالمی اور مقامی مارکیٹوں میں چاندی مہنگی

کراچی: عالمی اور مقامی صرافہ مارکیٹوں میں سونے کی قیمت میں کمی جبکہ چاندی کے نرخ میں اضافہ ریکارڈ کیا گیا ہے۔

بین الاقوامی بلین مارکیٹ میں فی اونس سونے کی قیمت 18 ڈالر کم ہوکر 4 ہزار 436 ڈالر کی سطح پر آگئی۔

عالمی قیمتوں میں کمی کے اثرات مقامی مارکیٹ پر بھی پڑے، جہاں 24 قیراط فی تولہ سونے کی قیمت 1800 روپے کمی کے بعد 4 لاکھ 66 ہزار 136 روپے ہوگئی۔

اسی طرح 10 گرام سونے کی قیمت میں 1414 روپے کمی ہوئی، جس کے بعد نئی قیمت 3 لاکھ 99 ہزار 636 روپے مقرر ہوگئی۔

دوسری جانب ملک میں چاندی کی قیمت میں اضافہ دیکھا گیا۔ فی تولہ چاندی 67 روپے مہنگی ہوکر 7 ہزار 179 روپے جبکہ 10 گرام چاندی کی قیمت 57 روپے اضافے کے بعد 6 ہزار 154 روپے کی سطح پر پہنچ گئی۔

یوں کاروباری ہفتے کے پہلے روز سونے کے نرخ میں کمی اور چاندی کی قیمت میں اضافے کا رجحان برقرار رہا۔