فتنۃ الہندوستان سے وابستہ انتہائی مطلوب 9 دہشتگرد خواتین کے سر کی قیمتیں مقرر

کوئٹہ: حکومت بلوچستان نے فتنۃ الہندوستان سے وابستہ قرار دی گئی 9 انتہائی مطلوب خواتین کے بارے میں معلومات فراہم کرنے پر 10 سے 15 لاکھ روپے تک انعام مقرر کردیا۔

حکومت بلوچستان کے مطابق مطلوب خواتین کے بارے میں قابلِ اعتماد معلومات فراہم کرنے والوں کی شناخت مکمل طور پر خفیہ رکھی جائے گی، جبکہ معلومات حکومت کی جانب سے مقرر کردہ رابطہ نمبرز پر فراہم کی جاسکتی ہیں۔

حکام کے مطابق مطلوب خواتین کا تعلق گوادر، جیونی اور تربت کے علاقوں سے بتایا گیا ہے۔ جاری کردہ فہرست میں حنیفاں بی بی، عائشہ، رقیہ، حفصہ، زہرہ، امینہ بانی، زرمین اور عزیزاں شامل ہیں۔

حکومت کے مطابق آٹھ مطلوب خواتین کے لیے 10،10 لاکھ روپے جبکہ عزیزاں کے لیے 15 لاکھ روپے انعام مقرر کیا گیا ہے۔

حکام کا کہنا ہے کہ مطلوب خواتین پر بلوچستان میں بدامنی پھیلانے اور دیگر امن دشمن سرگرمیوں میں ملوث ہونے کے الزامات ہیں۔ ان کے بارے میں معلومات فراہم کرنے والوں کی رازداری کو یقینی بنانے کا اعلان بھی کیا گیا ہے۔