بلوچستان کے پنشنرز کے لیے بڑی خوشخبری، پنشن میں 7 فیصد اضافہ منظور

کوئٹہ: حکومتِ بلوچستان کے محکمہ خزانہ نے صوبائی حکومت کے تمام سول پنشنرز کی بنیادی پنشن میں 7 فیصد اضافے کی منظوری دے دی ہے۔

محکمہ خزانہ کی جانب سے 17 اگست 2026ء کو جاری نوٹیفکیشن کے مطابق پنشن میں اضافے کا اطلاق یکم جولائی 2026ء سے ہوگا۔

نوٹیفکیشن کے تحت یکم جولائی 2026ء یا اس کے بعد ریٹائر ہونے والے ملازمین بھی اس اضافے کے مستحق ہوں گے، جبکہ فیملی پنشنرز اور متعلقہ قواعد کے تحت کمپیشنٹ الاؤنس حاصل کرنے والے افراد بھی پنشن میں 7 فیصد اضافے سے مستفید ہوں گے۔

حکومتِ بلوچستان کی جانب سے پنشن میں اضافہ صوبے کے پنشنرز کے لیے ایک خوش آئند اقدام قرار دیا جا رہا ہے۔