مسلم لیگ ن آزاد کشمیر میں اپنی اکثریت سے حکومت بنائے گی، رانا ثنا

مظفرآباد: وزیراعظم کے مشیر اور مسلم لیگ ن کے رہنما رانا ثناء اللہ نے دعویٰ کیا ہے کہ آزاد کشمیر کے انتخابات میں مسلم لیگ ن کو واضح برتری حاصل ہوئی ہے اور پارٹی اپنی اکثریت سے حکومت بنائے گی۔

میڈیا سے گفتگو کرتے ہوئے رانا ثناء اللہ نے کہا کہ مسلم لیگ ن کے امیدوار 25 نشستوں پر کامیاب ہوئے ہیں۔ آزاد کشمیر کے عوام نے تعمیر و ترقی کے لیے مسلم لیگ ن کو مینڈیٹ دیا ہے۔

انہوں نے کہا کہ آزاد کشمیر میں پنجاب کی طرز پر تعمیر و ترقی کا آغاز کیا جائے گا۔ ان کا کہنا تھا کہ عوام نے نواز شریف کی جماعت پر اعتماد کا اظہار کیا ہے۔

رانا ثناء اللہ نے ساجد اقبال کو مسلم لیگ ن میں شمولیت پر خوش آمدید کہتے ہوئے کہا کہ وہ آزاد کشمیر کی تعمیر و ترقی میں اہم کردار ادا کریں گے۔