سینٹرل جیل گڈانی میں 20 گھنٹے سے بجلی بند، قیدی شدید اذیت میں

حب: نمائندہ خصوصی)

حب: سینٹرل جیل گڈانی مسائل دوچار سینٹرل جیل گڈانی میں بجلی کا بدترین بحران، 20 گھنٹوں سے بجلی غائب، 600 سے زائد قیدی اذیت میں مبتلا سینٹرل جیل گڈانی گزشتہ 20 گھنٹوں سے بجلی کی مکمل بندش کا شکار ہے، جس کے باعث شدید گرمی، حبس اور پانی کی قلت نے قیدیوں کی مشکلات میں خطرناک حد تک اضافہ کر دیا ہے اعلیٰ حکام نوٹس لے۔

تفصیلات کے مطابق:

ذرائع کے مطابق سینٹر جیل گڈانی میں 600 سے زائد قیدی موجود ہیں جن میں بیمار، بزرگ اور دیگر قیدی شامل ہیں۔ بجلی نہ ہونے کے باعث پانی کی فراہمی معطل ہونے کے قریب ہے، جبکہ شدید گرمی اور حبس کے باعث متعدد قیدیوں کی طبیعت بگڑنے اور بے ہوشی کی اطلاعات بھی سامنے آ رہی ہیں۔ جیل کے ہسپتال وارڈ میں زیر علاج مریض قیدیوں کی حالت بھی تشویشناک بتائی جا رہی ہے۔

بجلی کی طویل بندش کے باعث جیل کا سیکیورٹی سسٹم بھی شدید متاثر ہو رہا ہے۔ جیل میں خطرناک نوعیت کے قیدی بھی موجود ہیں، جس کی وجہ سے سیکیورٹی کے حوالے سے سنگین خدشات پیدا ہو رہے ہیں۔
یاد رہے کہ صرف دو روز قبل بھی تقریباً 36 گھنٹے تک بجلی بند رہی تھی۔ سوال یہ ہے کہ اگر مسئلہ صرف ایک معمولی کیبل کی خرابی کا ہے تو اس کی مرمت میں بار بار 36 سے 40 گھنٹے کیوں لگ جاتے ہیں؟ اگر ہر مرتبہ مرمت کے لیے کراچی سے ٹیم بلانا پڑتی ہے تو یہ بھی متعلقہ اداروں کی کارکردگی پر ایک بڑا سوالیہ نشان ہے۔
مسلسل اور طویل دورانیے کی بجلی کی بندش نے قیدیوں کی جان، صحت اور جیل کے انتظامی و سیکیورٹی نظام کو شدید خطرات سے دوچار کر دیا ہے۔ اگر بروقت اور مؤثر اقدامات نہ کیے گئے تو کسی بھی ناخوشگوار واقعے کی تمام تر ذمہ داری متعلقہ اداروں پر عائد ہوگی۔