سندھ کے مختلف اضلاع میں موسم شدید گرم، کراچی میں 44 ڈگری جیسی گرمی کی شدت

کراچی سمیت سندھ کے مختلف اضلاع میں موسم شدید گرم ہے۔

کراچی میں درجہ حرارت 42 ڈگری سینٹی گریڈ تک پہنچ گیا جبکہ گرمی کی شدت 44 ڈگری جیسی محسوس کی جا رہی ہے۔

حیدر آباد میں محسوس کیا جانے والا درجہ حرارت 47 اور سکھر میں 45 ڈگری تک پہنچ گیا۔

کراچی کے شدید گرم موسم کے باعث مختلف علاقوں میں ہیٹ ویو کیمپس قائم کردیے گئے۔

ماہرین صحت نے شہریوں کو غیر ضروری طور پر گھروں سے باہر نہ نکلنے کا مشورہ دیا ہے۔

ادھر لاہور، پشاور اور اسلام آباد میں موسم معتدل ہے، کچھ دیر پہلے لاہور میں 34، اسلام آباد میں 33 اور پشاور میں 29 ڈگری سینیٹی گریڈ ریکارڈ کیا گیا۔