کوئٹہ میں 60 نئی گرین بسوں کی سروس جولائی سے شروع ہوگی

کوئٹہ( صحافت نیوز )حکومت بلوچستان نے کوئٹہ کے شہریوں کو جدید اور سستی سفری سہولیات فراہم کرنے کے لیے 60 نئی گرین بسوں کی کھیپ کا سروے مکمل کر لیا ہے، جس کے بعد جولائی سے سی ایم ہاؤس، ہنہ اوڑک روڈ، بائی پاس، زرغون ٹاؤن، نواکلی اور بی اے مال سے کوہلہ پھاٹک تک بس سروس کا باقاعدہ آغاز کر دیا جائے گا، جبکہ دوسری کھیپ کے لیے بھی سمری وزیراعلیٰ کو ارسال کر دی گئی ہے جس میں بلیلی، چشمہ بائی پاس اور سرہ غڑگی جیسے دور دراز علاقوں کو شامل کرنے کی تجویز دی گئی ہے۔ دوسری جانب گوادر میں خواتین کی معاشی خودمختاری کے لیے ایک تاریخی قدم اٹھاتے ہوئے ایسی منفرد وومن مارکیٹ قائم کی جا رہی ہے جہاں صرف خواتین کو کاروبار اور خریداری کی اجازت ہوگی اور مردوں کا داخلہ ممنوع قرار دیا گیا ہے، تاکہ خواتین ایک محفوظ اور پر اعتماد ماحول میں اپنی تجارتی سرگرمیاں جاری رکھ سکیں۔ ڈپٹی کمشنر کے مطابق ان اقدامات کا مقصد جہاں ایک طرف صوبے کے ٹرانسپورٹ نظام کو جدید خطوط پر استوار کرنا ہے، وہیں دوسری طرف خواتین کو بااختیار بنا کر انہیں معاشی دھارے میں فعال کردار ادا کرنے کے مواقع فراہم کرنا ہے تاکہ صوبائی سطح پر سماجی و اقتصادی ترقی کے اہداف حاصل کیے جا سکیں۔