کوئٹہ: تندور مافیا کے خلاف بڑا کریک ڈاؤن، 68 گرفتار

*کوئٹہ: ضلعی انتظامیہ کا تندور مافیا کے خلاف بھرپور کریک ڈاؤن، 68 تندور مالکان گرفتار اور 35 تندور سیل
ڈپٹی کمشنر کوئٹہ مہراللہ بادینی کی احکامات پر پر ضلعی انتظامیہ نے شہر بھر میں تندور مافیا کے خلاف ایک وسیع پیمانے پر آپریشن کیا ہے۔ عوامی شکایات کا سخت نوٹس لیتے ہوئے انتظامیہ کی ٹیموں نے روٹی کی قیمتوں اور وزن میں کمی کرنے والوں کے خلاف شکنجہ کس لیا ہے۔
●128 تندوروں کو دورہ
●68 تندور مالکان گرفتار
انتظامیہ کی ٹیموں نے شہر کے مختلف علاقوں میں 128 تندوروں کا اچانک دورہ کیا۔
روٹی کے وزن میں کمی اور مقررہ نرخوں سے زائد قیمت وصول کرنے پر 68 تندور مالکان کو موقع پر گرفتار کر کے جیل منتقل کر دیا گیا۔
خلاف ورزیوں پر 35 تندوروں کو فوری طور پر سیل کر دیا گیا۔

ڈپٹی کمشنر کوئٹہ نے تمام متعلقہ افسران کو سخت احکامات جاری کرتے ہوئے واضح کیا ہے کہ:
عوام کا استحصال کرنے والے تندور مافیا سے کسی صورت رعایت نہیں برتی جائے گی۔ ضلعی انتظامیہ عوامی شکایات کی بنیاد پر اپنی کارروائیاں مزید تیز کرے گی اور ناجائز منافع خوروں کو کسی صورت نہیں بخشا جائے گا۔”