سریاب روڈ پر کسٹمز کا نان کسٹم پیڈ گاڑیوں کے شورومز پر چھاپہ، متعدد گاڑیاں قبضے میں لے لیا

کوئٹہ سریاب روڈ پر کسٹمز کی جانب سے نان کسٹم پیڈ گاڑیوں کے خلاف کریک ڈان کے دوران متعدد گاڑیوں کے شورومز پر چھاپے مارے گئے، جس کے نتیجے میں کسٹمز کی ٹیم کارروائی کرتے ہوئے کئی نان کسٹم پیڈ گاڑیاں اپنے قبضے میں لے کر ساتھ لے گئی۔اس کارروائی کے ردعمل میں شورومز مالکان اور مقامی افراد کی جانب سے شدید احتجاج کیا گیا۔ مظاہرین نے سریاب روڈ پر ٹائر جلا کر مرکزی شاہراہ کو ہر قسم کی ٹریفک کے لیے معطل کر دیا، جس کے باعث شہریوں کو شدید مشکلات کا سامنا ہے۔ احتجاجی مظاہرین کا مطالبہ ہے کہ کسٹمز حکام اس کارروائی کو فوری روکیں اور ضبط کی گئی گاڑیاں واپس کی جائیں۔ پولیس اور انتظامیہ کی جانب سے مظاہرین کے ساتھ مذاکرات کی کوششیں جاری ہیں۔