نامور ادیب و شاعر اور ‘سسٹم’ کے ایڈیٹر انچیف ناظم نواب سے بلوچستان رائٹرز گلڈ کے وفد کی اہم ملاقات

کہنہ مشق صحافی ، صاحبِ طرز ادیب اور عہد حاضر کے نامور شاعر روزنامچہ سسٹم و ریڈ لائن کے ایڈیٹر انچیف جناب ناظم نواب نام کے ہی نہیں اپنے کام میں بھی نوابیت کا عنصر لیئے ہوئے ہیں ۔ میں نے آپ جناب کو ادبی دنیا کا نواب تسلیم کر رکھا ہے ۔ کئی نایاب و ادبی معرکہ آراء کتب کے منصف ہیں لاہور کے ادبی حلقوں کی جانی پہچانی مقبول شخصیت ہونے کے ناتے دوستوں کے دوست کہلاتے ہیں ۔
اٗن کے آفس میں ملاقات طے ہوئی، وقتِ مقررہ پر پہنچے تو نواب صاحب کو منتظر پایا ۔
ادب ، صحافت ، اور عصرِ نو کے جدید تقاضوں سمیت بلوچستان کے معروضی حالات پر کھل کے بات ہوئی ۔
کوئٹہ کا منظر ، بھولے بسرے شعراء اور ادبی کتب کی طباعت و اشاعت بھی گفتگو کا موضوع رہی ، تاہم ناظم نواب نے بلوچستان رائٹرز گلڈ (برگ) کی ادبی خدمات کو سراہتے ہوئے ہر ممکنہ تعاون کی یْقین دہانہ کرائی ، اور وقتِ رخصت (برگ دارالمطالعہ کیلیے) بہت سی کتابوں کو پیکٹ بھی عنایت فرمایا ۔
مذکورہ ملاقات ، گپ شپ اور پٗر تکلف ضیافت تادیر حسین یادوں کا حصہ رہیں گی ۔