اسسٹنٹ کمشنر وندر عارب وقار کا کنراج روڈ پر دورہ، دو غیر قانونی کریش پلانٹس سیل

اسسٹنٹ کمشنر سب ڈویژن وندر جناب عارب وقار صاحب نے اسسٹنٹ ڈائریکٹر مائنز اینڈ منرلز حب اور ایس ایچ او وندر کے ہمراہ کنراج روڈ پر واقع کریش پلانٹس کا دورہ کیا۔

دورے کے دوران غیر قانونی طور پر چلائے جانے والے دو کریش پلانٹس کو متعلقہ قوانین اور ضابطوں کی خلاف ورزی پر کارروائی کرتے ہوئے سیل کر دیا۔
اس موقع پر اسسٹنٹ کمشنر وندر عارب وقار صاحب نے واضح کیا کہ غیر قانونی سرگرمیوں کے خلاف کارروائیاں بلا امتیاز جاری رہیں گی اور قانون کی خلاف ورزی کرنے والوں کے خلاف ضابطے کے مطابق کارروائی عمل میں لائی جائے گی۔
انہوں نے متعلقہ حکام کو ہدایت کی کہ علاقے میں غیر قانونی کریش پلانٹس کی نشاندہی اور نگرانی کا عمل جاری رکھیں تاکہ قانون پر عمل درآمد کو یقینی بنایا جا سکے۔