کارکن صحافیوں کی نمائندہ تنظیم کا خیبر پختونخوا میں جمھوری عمل کو معطل کرنے پر اظہار تشویش

کارکن صحافیوں کی نمائندہ تنظیم کا خیبر پختونخوا میں جمھوری عمل کو معطل کرنے پر اظہار تشویش

خیبر پختونخوا میں دیگر وفاقی اکائیوں کے طرح جمھوری عمل کو فوری طور پر بحال کیا جائے ۔ پی ایف یو جے ورکرز کا مطالبہ

پشاور (عباس آرائیں) پاکستان فیڈرل یونین آف جرنلسٹس (ورکرز) نے خیبر پختونخوا میں ایمرجنسی اور گورنر راج لگانے کو جمہوریت اور جمہوری اداروں پر کاری ضرب قرار دیتے ہوئے اسے مسترد کیا ہے پی ایف یو جے (ورکرز)کے صدر شمیم شاہد اور سیکرٹری جنرل راجہ ریاض نے اپنے ایک مشترکہ بیان میں خیبر پختونخوا کے چار کروڑ سے زاہد افراد کے انسانی ،سیاسی وسماجی حقوق کی ایمرجنسی کے ذریعے معطل کرنے کے اقدام کی مذمت کرتے ہوئے اسے آمریت مسلط کرنے کی کوشش قرار دیا ہے اور کہا ہے کہ جمہوری اقدار کا گلہ گھونٹ کر سیاسی مخالفین کو زیر کرنا سیاسی نظام اور جماعتوں کو زیب نہیں دیتا انہوں نے کہا کہ اس اقدام سے دہشت گردی اور معاشی زبوں حالی کے شکار خیبر پختونخوا کو ترقی اور خوشحالی سے مزید دور کردیا گیا ہے تاریخ میں اس اقدام کا ذکر سیاہ الفاظ میں کیا جائے گا۔