سکھر میں پولیس کی کارروائیاں، بغیر لائسنس پستول رکھنے والے دو ملزمان گرفتار

سکھر میں پولیس کی کارروائیاں، بغیر لائسنس پستول رکھنے والے دو ملزمان گرفتار

سکھر(بیورورپورٹ)سکھر پولیس نے جرائم پیشہ عناصر کے خلاف کارروائیوں کے دوران تھانہ سائٹ ایریا اور تھانہ جانگھڑو کی حدود سے بغیر لائسنس ٹی ٹی پستول اور گولیاں برآمد کرکے دو ملزمان کو گرفتار کرلیا۔ پولیس نے دونوں ملزمان کے خلاف سندھ آرمز ایکٹ کے تحت مقدمات درج کرلیے ہیں۔ سکھر پولیس ترجمان کے مطابق ایس ایس پی سکھر احمد چوہدری کی ہدایت پر جرائم پیشہ عناصر کے خلاف کارروائیاں جاری ہیں۔ تھانہ سائٹ ایریا پولیس نے اسنیپ چیکنگ کے دوران کارروائی کرتے ہوئے ملزم الطاف جاگیرانی کو گرفتار کیا، جس کے قبضے سے بغیر لائسنس ٹی ٹی پستول، میگزین اور گولیاں برآمد ہوئیں۔ اس واقعے کا مقدمہ نمبر 225/2026 سندھ آرمز ایکٹ کی دفعہ 23(1)(A) کے تحت تھانہ سائٹ ایریا میں درج کیا گیا ہے۔ اسی طرح تھانہ جانگھڑو پولیس نے دورانِ گشت کارروائی کرتے ہوئے ملزم رضوان علی جتوئی کو گرفتار کرکے اس کے قبضے سے بغیر لائسنس ٹی ٹی پستول، میگزین اور گولیاں برآمد کرلیں۔ اس کے خلاف مقدمہ نمبر 64/2026 سندھ آرمز ایکٹ کی دفعہ 23(1)(A) کے تحت تھانہ جانگھڑو میں درج کیا گیا ہے۔ پولیس ترجمان کے مطابق دونوں گرفتار ملزمان سے مزید تفتیش جاری ہے۔