نوڈیرو کے حکماء کا حکیم سراج الدین چانڈیو کو نیشنل کونسل فار طب کا مرکزی صدر بلا مقابلہ منتخب کرنے کا مطالبہ

نوڈیرو (رپورٹ:عابد بھٹو)نوڈیرو کے حکماء کا متفقہ مطالبہ، حکیم سراج الدین چانڈیو کو بلا مقابلہ نیشنل کونسل برائے طب کا مرکزی صدر بنایا جائے ، نوڈیرو کے معروف حکماء حکیم ارشاد علی سومرو، حکیم مقبول احمد قاضی، حکیم ممتاز علی بھٹی، حکیم محمد سومر شیخ، حکیم عبدالکریم سومرو، حکیم احسان جروار، حکیم حسن عابد بھٹو، حکیم اعجاز جونیجو، حکیم محمد موسیٰ بھٹو، اور دیگر اطباء نے معروف حکیم سراج الدین چانڈیو کو نیشنل کاؤنسل فار طب کا صدر منتخب کرنے کی خواھش ظاھر کی ہے ۔
اس سلسلے میں مذکورہ حکماء نے مشترکہ بیان میں کہا ہے کہ حکیم سراج الدین چانڈیو ایک قدآور شخصیت ہیں انہوں نے اپنی زندگی طب یونانی کی بقاء، ترقی اور اطباء برادری کے حقوق کے لیے وقف کر رکھی ہے۔ وہ ہر فورم پر اطباء کا مقدمہ لڑتے رہے ہیں۔ جب بھی عطائیت کے نام پر مستند حکماء کے خلاف کارروائیوں یا طب یونانی کے خلاف کوئی پالیسی آئی، حکیم سراج الدین چانڈیو سب سے آگے رہے ہیں ، اس وقت نیشنل کونسل فار طب کو ایک مضبوط، متفقہ اور غیر متنازعہ قیادت کی ضرورت ہے، جو موجودہ تقسیم کو ختم کر کے اطباء کو ایک پلیٹ فارم پر متحد کر سکے، اور وہ شخصیت صرف حکیم سراج الدین چانڈیو کی ہی ہے ۔