اسلام آباد میں کنٹینرز ہٹانے کا عمل شروع، شہریوں کو آمدورفت میں ریلیف ملنے کی امید

اسلام آباد: وفاقی دارالحکومت میں مختلف شاہراہوں کے کنارے رکھے گئے کنٹینرز ہٹانے کا عمل شروع کردیا گیا ہے، جس سے شہریوں اور مسافروں کو آمدورفت میں سہولت ملنے کی توقع ہے۔
پاکستان تحریک انصاف کی جانب سے اسلام آباد کی طرف مارچ کی کال کے بعد ضلعی انتظامیہ اور پولیس نے شہر کی مختلف شاہراہوں پر بڑی تعداد میں کنٹینرز پہنچائے تھے۔ اگرچہ انہیں سڑکیں بند کرنے کے لیے نصب نہیں کیا گیا تھا، تاہم شاہراہوں کے کنارے کنٹینرز کی موجودگی کے باعث شہریوں، مسافروں اور بین الشہری سفر کرنے والوں میں تشویش پائی جارہی تھی۔
اب خیبر پختونخوا میں گورنر راج اور ایمرجنسی کے نفاذ کے بعد اسلام آباد سے کنٹینرز ہٹانے کا عمل شروع کردیا گیا ہے۔ اس اقدام سے شہریوں کو سڑکوں پر آمدورفت میں مزید سہولت ملنے کی توقع ہے