شارٹ سرکٹ سے صحافی صغیر احمد ابڑو کے گھر میں آتشزدگی، لاکھوں کا نقصان

نؤڈیرو (رپورٹ: عابد بھٹو) شہید رانی بے نظیر بھٹو پریس کلب نوڈیرو کے جوائنٹ سیکرٹری صحافی صغیر احمد ابڑو کے گھر میں بجلی کے شارٹ سرکٹ کے باعث اچانک آگ بھڑک اٹھی، جس کے نتیجے میں گھر میں موجود بستر، چارپائیاں، کپڑے، فرنیچر، فرج، اناج اور دیگر قیمتی سامان جل کر خاکستر ہو گیا۔ آگ سے لاکھوں روپے کے نقصان کا اندازہ لگایا جا رہا ہے۔ واقعے کے وقت صحافی صغیر احمد ابڑو اپنے بچوں سمیت گزشتہ روز فوت ہونے والے اپنے کزن کی تعزیت پر بیٹھے ہوئے تھے۔ انہوں نے بتایا کہ پڑوسیوں نے گھر سے دھواں اور آگ کے شعلے اٹھتے دیکھ کر اطلاع دی، لیکن گھر پہنچنے تک تمام سامان جل چکا تھا۔ واقعے کے باعث صحافی کو شدید مالی نقصان پہنچا ہے۔ شہید رانی بے نظیر بھٹو پریس کلب نوڈیرو کے صدر سمیت تمام عہدیداران اور اراکین نے واقعے پر دکھ اور ہمدردی کا اظہار کرتے ہوئے اعلیٰ حکام سے مطالبہ کیا ہے کہ متاثرہ صحافی کی مالی امداد کر کے ہونے والے نقصان کا ازالہ کیا جائے۔