ریاض ایئرپورٹ پر حوثیوں کے دہشتگرد حملوں کی شدید مذمت کرتے ہیں،اکرام الدین

اٹلی(انٹرنیشنل ڈیسک)غیر ملکی خبر رساں ادارے کے مطابق وزارت اوورسیز پاکستانیز کے معاون خصوصی برائے اٹلی اکرام الدین نے کہا کہ پاکستان سعودی عرب کے دفاع، عوام کے تحفظ اور اہم تنصیبات محفوظ رکھنےکے حق کی حمایت کرتا ہے، پاکستان حوثی ملیشیا سے دہشتگرد حملے فوری بند کرنے کا مطالبہ کرتا ہے، ایسے اقدامات بےگناہ جانوں کوخطرے میں ڈالتے اور علاقائی استحکام کو نقصان پہنچاتے ہیں، عالمی برادری ایسےاقدامات کےخلاف واضح دوٹوک مؤقف اختیار کرے، انہوں نے کہا کہ پاکستان سعودی عرب کی خودمختاری، سلامتی، دفاع کے لیے کندھے سے کندھا ملاکرکھڑا رہےگا۔وزارت اوورسیز پاکستانیز کے معاون خصوصی برائے اٹلی اکرام الدین نے اپنے بیان میں حوثیوں کے ریاض ائیر پورٹ پر حملوں کی شدید الفاظ میں مذمت کرتے ہوئے شہری آبادی پر حملوں کو ناقابل قبول قرار دیا ہے۔انہوں نے کہا کہ ریاض ایئرپورٹ پر حملہ علاقائی امن و سلامتی کے لیے سنگین خطرہ ہے انہوں نے مزید کہا کہ متاثرہ خاندانوں سے دلی تعزیت اور زخمیوں کی جلد اور مکمل صحتیابی کے لیے دعا گو ہیں۔خیال رہے کہ ریاض ائیرپورٹ پر حوثی ملیشیا کے تازہ حملوں میں غیرملکیوں سمیت 12 افراد جاں بحق اور 300 سے زائد زخمی ہوئے، ائیر پورٹ پر انفرا اسٹرکچر کو بھی شدید نقصان پہنچا اور فلائٹ آپریشن بھی شدید متاثر ہوا ہے۔