بند یوٹیلٹی اسٹورز فوری فعال کرکے اشیائے خوردونوش پر سبسڈی دی جائے، قاری مہراللہ

​
جمعیت علماء اسلام نظریاتی بلوچستان کے صوباٸی امیر مولانا قاری مہراللہ جنرل سیکرٹری مفتی شفیع الدین سنئیرنائب امیرمولانا محمد احمد حقانی ناٸب امیر مولانا شاہ محمد ڈپٹی جنرل سیکرٹری حافظ حلیم شاہ ناظم دوم میر مبارک محمدحسنی مولانا عبدالمالک مولانا محمدجعفر نے کہا کہ اشیائے خوردونوش اور ضروریاتِ زندگی کی قیمتوں میں دو سے تین گنا ہوشربا اضافے نے عام آدمی کی زندگی اجیرن کر دی ہے۔ ملک میں محنت کش، دیہاڑی دار اور مزدور طبقے کے لیے دو وقت کی روٹی کا حصول ایک خواب بن چکا ہے۔ بنیادی اشیائے ضروریہ عام شہری کی پہنچ سے مکمل طور پر دور ہو چکی ہیں، جبکہ حکمرانوں کی عدم توجہی اور ناقص پالیسیوں کی وجہ سے ذخیرہ اندوزوں اور مافیاز کی تجوریاں بھر رہی ہیں۔​انہوں نے کہ مافیاز کی بے لگام لوٹ مار اور ان کے خلاف کارروائی نہ ہونے کی وجہ سے مہنگائی کا طوفان مزید شدت اختیار کر رہا ہے۔ موجودہ حالات میں عوام مزید بوجھ اٹھانے کے ہرگز متحمل نہیں ہو سکتے۔​انہوں نے کہا کہ حکومت تمام بند یا غیر فعال یوٹیلٹی اسٹورز کو فوری طور پر فعال کرے اور وہاں آٹا، چینی، گھی اور دیگر اشیائے خوردونوش پر سبسڈی فراہم کرے۔ تاکہ غریب اور دیہاڑی دار طبقے کو براہِ راست فائدہ پہنچ سکے۔ مصنوعی مہنگائی اور ذخیرہ اندوزی میں ملوث مافیاز کے خلاف سخت اور ٹھوس قانونی اقدامات کیے جائیں۔ انہوں نے کہا کہ عوام کا صبر کا پیمانہ لبریز ہو جائے گا۔ وقت کا تقاضا ہے کہ حکومت اشرافیہ کی مراعات ختم کر کے عام آدمی کی فلاح و بہبود کے لیے ٹھوس اور عملی قدم اٹھائے۔