میر رضا کیس؛ قتل کی ممکنہ وجہ کرپٹو ٹریڈنگ، شہریوں کی کمیشن سے تحقیقات کی درخواست

کراچی، 30 ستمبر 2026: میر رضا قتل کیس میں مزید پیش رفت سامنے آئی ہے، مقتول کے اہلخانہ کے وکیل جبران ناصر نے پولیس کے سینئر افسران سے متعلق مزید سوالات جوڈیشل کمیشن میں جمع کرا دیے ہیں، جبکہ شہریوں نے قتل کی ممکنہ وجہ کرپٹو ٹریڈنگ سے متعلق بھی تحقیقات کی درخواست کردی۔

ذرائع کے مطابق جبران ناصر نے ایڈیشنل آئی جی آزاد خان، ڈی آئی جی فرخ لنجار اور تحقیقاتی ٹیم کے سربراہ ڈی آئی جی عامر فاروقی سے متعلق سوالنامے کمیشن میں جمع کرائے ہیں۔

ذرائع کا کہنا ہے کہ اب تک 10 شہری براہ راست جوڈیشل کمیشن سے رابطہ کرچکے ہیں۔ شہریوں نے کرپٹو ٹریڈنگ سے وابستہ افراد کے مبینہ مختصر مدتی اغوا کے واقعات پر بھی اپنے تحفظات کا اظہار کیا ہے۔

شہریوں کی جانب سے مؤقف اختیار کیا گیا ہے کہ میر رضا کے قتل کی ممکنہ وجہ کرپٹو ٹریڈنگ سے متعلق معاملات بھی ہوسکتے ہیں، اس لیے جوڈیشل کمیشن اس پہلو سے بھی تحقیقات کرے۔