سونے کی قیمت میں دو روزہ وقفے کے بعد پھر اضافہ

کراچی: عالمی اور مقامی مارکیٹوں میں دو روزہ وقفے کے بعد سونے اور چاندی کی قیمتوں میں دوبارہ اضافہ ہوگیا۔

بین الاقوامی بلین مارکیٹ میں سونے کی فی اونس قیمت 20 ڈالر بڑھ کر 4 ہزار 395 ڈالر ہوگئی۔

عالمی مارکیٹ میں اضافے کے اثرات مقامی صرافہ بازار پر بھی پڑے، جہاں فی تولہ سونا 2 ہزار روپے مہنگا ہوکر 4 لاکھ 61 ہزار 936 روپے جبکہ 10 گرام سونے کی قیمت 1 ہزار 715 روپے اضافے سے 3 لاکھ 96 ہزار 35 روپے ہوگئی۔

دوسری جانب فی تولہ چاندی کی قیمت 80 روپے اضافے سے 7 ہزار 29 روپے اور 10 گرام چاندی کی قیمت 69 روپے بڑھ کر 6 ہزار 26 روپے ہوگئی۔