کوئٹہ گاہی خان چوک پر فائرنگ، ایک شخص جاں بحق، ملزمان فرار

کوئٹہ: گاہی خان چوک کے قریب نامعلوم مسلح افراد کی فائرنگ کے نتیجے میں ایک شخص جاں بحق ہوگیا، جبکہ حملہ آور موقع سے فرار ہونے میں کامیاب ہوگئے۔

ذرائع کے مطابق واقعہ گاہی خان چوک کے علاقے میں پیش آیا، جہاں نامعلوم افراد نے فائرنگ کرکے ایک شخص کو نشانہ بنایا، جس کے نتیجے میں وہ موقع پر ہی دم توڑ گیا۔

اطلاع ملتے ہی پولیس اور دیگر قانون نافذ کرنے والے ادارے جائے وقوعہ پر پہنچ گئے اور علاقے کو گھیرے میں لے کر شواہد اکٹھے کرنا شروع کردیے۔

پولیس کے مطابق واقعے کی وجوہات معلوم کرنے اور ملزمان کی شناخت کے لیے تحقیقات جاری ہیں۔