دانہ سر حادثہ: زخمی مسافر کے اہم انکشافات سامنے آگئے

دانہ سر: دانہ سر میں پیش آنے والے المناک بس حادثے میں زخمی ہونے والے ایک مسافر نے حادثے سے قبل پیش آنے والے واقعات سے متعلق اہم انکشافات کیے ہیں۔

زخمی مسافر کے مطابق وہ دیگر مسافروں کے ساتھ کوئٹہ سے پشاور جا رہا تھا کہ راستے میں ڈرائیور نے مسافروں کو آگاہ کیے بغیر بس میں ڈیزل لوڈ کر لیا۔

اس نے بتایا کہ بلوچستان کی آخری ایف سی چیک پوسٹ پر بس سے ڈیزل اتار دیا گیا، جس کے بعد ڈیزل لوڈ کیے جانے کا علم ہونے پر مسافروں اور ڈرائیور کے درمیان تلخ کلامی بھی ہوئی۔

زخمی مسافر کا کہنا تھا کہ اس واقعے کے کچھ ہی دیر بعد بس حادثے کا شکار ہو گئی۔ جب اسے ہوش آیا تو ہر طرف زخمی افراد اور لاشیں پڑی تھیں، جبکہ بس میں خواتین اور بچے بھی سوار تھے۔

واضح رہے کہ حادثے کی وجوہات جاننے کے لیے متعلقہ حکام کی جانب سے تحقیقات جاری ہیں، جبکہ زخمی مسافر کے بیان کو بھی تفتیش کا حصہ بنایا جا سکتا ہے۔