دانہ سر بس حادثہ: میر علی حسن زہری کا اظہارِ افسوس، متاثرہ خاندانوں سے تعزیت

حب(نمائندہ خصوصی)

پاکستان پیپلز پارٹی بلوچستان کے صوبائی سینئر نائب صدر اور صدرِ مملکت کے ترجمان برائے بلوچستان میر علی حسن زہری نے خیبرپختونخوا اور بلوچستان کے سرحدی علاقے دانہ سر میں پیش آنے والے المناک مسافر بس حادثے پر گہرے دکھ اور افسوس کا اظہار کرتے ہوئے قیمتی انسانی جانوں کے ضیاع پر متاثرہ خاندانوں سے دلی تعزیت اور ہمدردی کا اظہار کیا ہے۔

تفصیلات کے مطابق
پاکستان پیپلز پارٹی بلوچستان کے صوبائی سینئر نائب صدر اور صدرِ مملکت کے ترجمان برائے بلوچستان میر علی حسن زہری نے خیبرپختونخوا اور بلوچستان کے سرحدی علاقے دانہ سر میں پیش آنے والے المناک مسافر بس حادثے پر گہرے دکھ اور افسوس کا اظہار کرتے ہوئے قیمتی انسانی جانوں کے ضیاع پر متاثرہ خاندانوں سے دلی تعزیت اور ہمدردی کا اظہار کیا ہے میر علی حسن زہری نے کہا کہ اس اندوہناک سانحے نے پوری قوم کو غمزدہ کر دیا ہے۔ انہوں نے دعا کی کہ اللہ تعالیٰ جاں بحق افراد کو اپنی جوارِ رحمت میں اعلیٰ مقام عطا فرمائے، لواحقین کو صبرِ جمیل دے اور زخمیوں کو جلد مکمل صحت یاب کرے انہوں نے متعلقہ اداروں کی جانب سے جاری ریسکیو اور امدادی کارروائیوں کو سراہتے ہوئے اس امید کا اظہار کیا کہ زخمیوں کو بہترین طبی سہولیات فراہم کی جائیں گی اور متاثرہ خاندانوں کی ہر ممکن معاونت یقینی بنائی جائے گی میر علی حسن زہری نے کہا کہ ایسے المناک واقعات کی وجوہات کا غیر جانبدارانہ اور جامع جائزہ لیا جانا چاہیے تاکہ مستقبل میں اس نوعیت کے حادثات کی روک تھام کے لیے مؤثر اقدامات کیے جا سکیں انہوں نے کہا کہ پاکستان پیپلز پارٹی اور اس کی قیادت اس دکھ کی گھڑی میں متاثرہ خاندانوں کے ساتھ کھڑی ہے اور ان کے غم میں برابر کی شریک ہے-